اهلا ومرحبا بك يا: زائر فى منتدى دى جى ميوزيك


    اتعلم ازاى تعاكس بنت

    شاطر
    avatar
    midolove
    مجموعه المشرفين
     مجموعه المشرفين

    ذكر
    عدد الرسائل : 574
    العمر : 29
    مزاجى دلوقتى :
    توقيع المنتدى :
    تاريخ التسجيل : 03/07/2007

    اتعلم ازاى تعاكس بنت

    مُساهمة من طرف midolove في الثلاثاء يوليو 10, 2007 11:28 am

    جربت تعاكس بنت قبل كدا ؟
    أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !
    عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!
    تهريج .. بتباتة !
    شعب مصر شعب حميمي بطبعه،
    بيحب الألفة والانسجام والضحك
    ، لدرجة إن في أحيان كتير بتتحول عنده المعاكسة لمجرد نكتة ..
    طبعا طرق المعاكسة ومستوياتها كتيرة .. منها المعاكسة التبتة اللي
    بيفضل الواحد لازق زى الدبان بعد المطر بالظبط ! ودا إما لجمال البنية الباهر
    – في نظر الدبان طبعاـ أو لأنه حاسس إنه حيطلع من اللزقة دي بفايده !

    وفيه معاكسة التهريج، شباب مرمي على النواصي مش لاقي حاجه يعملها
    غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر،
    حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..

    مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد
    ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟
    .. طب تتجوزيني وأرضع العيال ؟ ) وتلاقي التلاتة ماتوا على نفسهم من الضحك ..
    طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..

    أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا )
    .. ويا ويلهم لو لمحوهم بيبصوا على جزم بعض يأخذوهم تريأة للصبح!
    مامتك نحلة ؟
    وفيه معاكسات مفتكسة، مثلا الشاب من دول يرمى كلمة يحاول يشد انتباه البنت،
    زى واحدة ماشي في حالها لا بيها ولا عليها تلاقي واحد متعرفوش بيبصلها
    وفجأة يقف قدامها ويقولها ( لازم ماما كانت نحلة )
    طبعا البنت حتفكر ( هو بيجيب سيرة الأم إبن الــ .. )
    أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت
    ... هنا الواد ينط ويقولها بسرعة ( عشان تجيب العسل دا كله ) وهو شطارته بقى بعد كدا..

    بس مش دايما الشطارة بتنفع .. واحد جرب الموضوع دا وقال أول جملة
    .. راحت البنت بصاله بمنتهى
    الثقة وقالته له ( إشمعنى ؟ ) بعد ما
    خلص جملته راحت قايلاله ( تصدق .. وإنت لازم ماما كانت فرخة ..
    عشان تجيب البيض دا كله ) طبعا صاحبنا قعد تلات أسابيع بعدها في البيت .. لحد ما يفقس !

    والمعاكسات برضه مقامات يعني معاكسة الماشيين غير معاكسة الواقفين،
    وأصحاب العربيات لهم طرقهم الخاصة تلاقي واحد بعربية واقف قدام واحدة
    وهات يا كلاكس وعمّا ل يشاور على تحت وعامل مجنون في العربية ..
    وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة )..

    طبعا البنت شافت نمرته وهو بيرجع أو مشافتهاش بس فهمت إنها نمرة العربية
    من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! ) صوت حريمي .. اقفش !
    ومع عن المعاكسة في التليفون قدمت قوي إلا إنها لسه شغالة لحد دلوقتي
    ولان الدنيا اتطورت والتكنولوجيا دخلت البيوت وفي ظل نظام إظهار الرقم
    ظهرت خدمات المعاكسات من تليفونات ميناتل والنيل ورينجو،
    يعني الشاب من دول يشتري كارت بخمسة أو بعشرة وهاتك يا نمر
    وهو ونصيبه وأول ما يرد عليه صوت حريمي يقفش فيه .. كدا على طول من غير
    ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. وشرقان كمان )

    وطبعا كل عشرتلاف مكالمة ممكن واحدة تكمل معاه عشر دقايق على الخط،،
    وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !

    وفيه معاكسة التليفونات المقصودة .. ودي عادة في المدارس .. واحد خد موبايل
    واحدة معاه في الفصل ميعرفهاش من واحد صاحبه وقعد يزاولها من أى كابينة تليفون
    .. أو يكون شافها مرة مع حد من صحابه وياخد تليفونها ويبتدي يظبط هو .. المهم .
    . التليفونات أثبتت إنها كانت ولازالت وسيلة مهمة للمعاكسة !
    من حقهم برضه !
    قلت في أول الموضوع خلونا نبعد عن البنات شوية ، بس مش معنى كدا إننا ننساهم .
    .لأنهم لب الموضوع يعني لو مفيش بنات الشباب هيعاكس مين؟
    وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من
    ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..!

    والجديد دلوقتي إنك تلاقي بنتين – عادة لابسين لبس المدارس الأبيض في كحلي –
    ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف
    ! – وهما ماشيين وراه وبيقولوا ( القطة خايفة ولا إيه ؟! ) ..

    بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة
    .. يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) )

    وبمناسبة أخينا اللي كان طالع يجري فوق دا ..
    في ولاد كل مشكلتهم إنهم مبيعرفوش
    يعاكسوا ! وخصوصا لو كان صحابه خبراء في الموضوع دا ..
    ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100 جزمة !

    عامة .. وعلى رأى على بيه الدخاخني بعد أن شعشع الدخان في نافوخه
    ( متقلقوش يا رجاله .. البنات دلوقتي هى اللي بتعاكسنا .. كلها شوية وإحنا اللي حنبقى ... )... *********************
    avatar
    ***MONY***
    مشرف عــــــام
     مشرف عــــــام

    انثى
    عدد الرسائل : 701
    العمر : 31
    البــلــد : EGYPT
    هوايتك : استماع اغانى عمرو دياب
    العمل : طالــــــبه بجامعه القاهره
    توقيع المنتدى :
    تاريخ التسجيل : 30/03/2007

    رد: اتعلم ازاى تعاكس بنت

    مُساهمة من طرف ***MONY*** في الخميس أغسطس 09, 2007 9:13 pm

    ههههههههههههههههه
    ايه يابنى الكلام اللى انت بتقولوا دة وتفتكر ان المعاكسة دى شئ حضارى
    وترضى انت ان اختك تتعاكس وكل دى طرق للمعاكسة يا اخى حرام عليك ايه الافترى دة
    هههههههههههههههه صحيح ويعنى ايه دة(وعلى رأى على بيه الدخاخني بعد أن شعشع الدخان في نافوخه) انا مش فاهمة منه حاااااااااااااااجةة
    قولى يعنى ايه ومتنفضليش هاااا
    avatar
    كاظم ابراهيم
    عــــضـــو مــيــوزيــكــانــى ذهبى
     عــــضـــو مــيــوزيــكــانــى ذهبى

    ذكر
    عدد الرسائل : 596
    العمر : 32
    البــلــد : فـليسطين
    هوايتك : ـــــــــــــــــــــــــــــــ
    العمل : ـــــــــــــــــ
    توقيع المنتدى :
    تاريخ التسجيل : 31/03/2007

    رد: اتعلم ازاى تعاكس بنت

    مُساهمة من طرف كاظم ابراهيم في الجمعة أغسطس 10, 2007 11:54 am

    ما بدى اعكس بنت بطريقة هذة
    ابعدنا الله عن المعاكسات والكلام هذا
    avatar
    midolove
    مجموعه المشرفين
     مجموعه المشرفين

    ذكر
    عدد الرسائل : 574
    العمر : 29
    مزاجى دلوقتى :
    توقيع المنتدى :
    تاريخ التسجيل : 03/07/2007

    رد: اتعلم ازاى تعاكس بنت

    مُساهمة من طرف midolove في الأحد أغسطس 12, 2007 3:46 pm

    لا لا المعاكسه مش طريقه حاضريه بس هى الى ماشه وبعدين على بيه الدخاخنى ده فيلسوف كبير تلاقيه فى اى غرزه اعد

    mody2000
    عــــضـــو مــيــوزيــكــانــى
     عــــضـــو مــيــوزيــكــانــى

    ذكر
    عدد الرسائل : 28
    توقيع المنتدى :
    تاريخ التسجيل : 22/04/2007

    رد: اتعلم ازاى تعاكس بنت

    مُساهمة من طرف mody2000 في الثلاثاء أغسطس 21, 2007 10:33 pm

    أحلى كلام ياميدووووووووووووووووووووووو
    avatar
    ملكه زمانى
    عــــضـــو مــيــوزيــكــانــى
     عــــضـــو مــيــوزيــكــانــى

    انثى
    عدد الرسائل : 34
    البــلــد : مصر ام الدنيا
    هوايتك : تصفح الانترنت
    العمل : طالبه
    توقيع المنتدى :
    تاريخ التسجيل : 15/08/2007

    رد: اتعلم ازاى تعاكس بنت

    مُساهمة من طرف ملكه زمانى في الأربعاء أغسطس 22, 2007 3:02 am

    بس مش دايما الشطارة بتنفع .. واحد جرب الموضوع دا وقال أول جملة
    .. راحت البنت بصاله بمنتهى
    الثقة وقالته له ( إشمعنى ؟ ) بعد ما
    خلص جملته راحت قايلاله ( تصدق .. وإنت لازم ماما كانت فرخة ..
    عشان تجيب البيض دا كله ) طبعا صاحبنا قعد تلات أسابيع بعدها في البيت .. لحد ما يفقس !
    ههههههههههههههههههههههههههههه ههههههههههههههههههههه والله العظيم دى بت زى العسل فعلاcheers والله برافو عليها
    ايه يا ميدو حكايتك مع البنات مره ازاى تمسك ايد خطيبتك ومره ازاى تعاكس البنات ما تخف علينا شويه انت معندكش ولايا
    avatar
    midolove
    مجموعه المشرفين
     مجموعه المشرفين

    ذكر
    عدد الرسائل : 574
    العمر : 29
    مزاجى دلوقتى :
    توقيع المنتدى :
    تاريخ التسجيل : 03/07/2007

    رد: اتعلم ازاى تعاكس بنت

    مُساهمة من طرف midolove في الأربعاء أغسطس 22, 2007 2:02 pm

    ههههههههههههههههههههههههه خلاص من عنيا يا ملكه هخف متقلقيش
    avatar
    70MS
    عــــضـــو مــيــوزيــكــانــى شـــغــــال
     عــــضـــو مــيــوزيــكــانــى شـــغــــال

    ذكر
    عدد الرسائل : 484
    العمر : 30
    البــلــد : مصر
    توقيع المنتدى :
    تاريخ التسجيل : 30/06/2007

    رد: اتعلم ازاى تعاكس بنت

    مُساهمة من طرف 70MS في الثلاثاء سبتمبر 18, 2007 4:48 pm

    ههههههههههههههههههههههههههههههه
    اه يابن الايه يا جامد يا واد يا ميدو
    ايه ياعم الموضوع الفقرى ده
    ده كله اطشك ده انا هموت على نفسى من الضحك
    المعاكسه كمان بقى ليها فنون يلا هقول ايه ما احنا فى عصر التكنولبيا
    جامد يواد يا ميدو تسلملى يا عسل
    avatar
    mido_islam
    عــــضـــو مــيــوزيــكــانــى
     عــــضـــو مــيــوزيــكــانــى

    عدد الرسائل : 28
    توقيع المنتدى :
    تاريخ التسجيل : 17/09/2007

    رد: اتعلم ازاى تعاكس بنت

    مُساهمة من طرف mido_islam في الخميس سبتمبر 20, 2007 7:10 pm

    avatar
    salahsalah2010
    عــــضـــو مــيــوزيــكــانــى
     عــــضـــو مــيــوزيــكــانــى

    ذكر
    عدد الرسائل : 96
    العمر : 33
    البــلــد : القاهرة
    هوايتك : كرة القدم والكمبيوتر
    العمل : مشرف علاقات تجارية
    توقيع المنتدى :
    تاريخ التسجيل : 04/09/2007

    رد: اتعلم ازاى تعاكس بنت

    مُساهمة من طرف salahsalah2010 في الخميس سبتمبر 27, 2007 10:45 am

    يا جاااااااااااااااااااااااااااااااااااااااااااامد
    ايه يا باشا المواضيع اللى زى العثل دى
    هههههههههههههههههههههههه
    لا بجد توبيك جامد
    انا هاجربها وهاقلك ايه اللى حصل






















    اى اى اى اى
    اااااااااااااااااااااااااااااااااااااااااه
    الله يسامحك يا ميدو
    اااااااااااااااااااااااااااااااه
    خلاص مش هاعاكس تانى

      الوقت/التاريخ الآن هو الإثنين أغسطس 20, 2018 2:51 am