رجاء من كل واحد بيحب عمرو دياب، من كل واحد سمع عمرو دياب في يوم، من كل واحد في مره اغنيه لعمرو دياب سمعها وحس بيها، من كل واحد بيتعب نفسه ويدخل على الموقع ده، من كل واحد ضيّع من عمره شويه وقت وقضاهم في سماع اغاني عمرو دياب.
بمعدل كل سنه او سنه ونص، عمرو دياب بينزل الالبوم، اللي تعب فيه شهور، بينزله عشان جمهوره، بيتعب فيه عشان الناس اللي مستنياه، الناس اللي متشوقه لكلمه واحده يغنيها عمرو دياب.
يعني اليوم اللي احنا فيه ده مش بيتكرر الا كل سنه ونص، يعني لحظه مش بتيجي كتير، من الآخر، ده عيد لينا، ده مصدر فرحه وسعاده لينا. انا متأكد ان اي حد بيتعب نفسه ويقرا الكلام ده، لما بيشوف عمرو دياب ناجح بيبقى سعيد عشان نجاحه. عشان احنا بنحب الراجل ده.
الالبوم السنه دي كانت ولادته صعبه!
المفروض كان ينزل في ليله راس السنه، ومحصلش وكلنا عرفنا الخبر.
اعلان ميعاد جديد للالبوم ومحصلش.
اعلان ميعاد جديد في شهر 7.
نزول السامبلز اللي صبرتنا شويه لكن كنا خايفين انها تحرق الالبوم.
تسرع بشع من الناس كلها، والحكم على الالبوم وتفشيله مع الاصرار!
ظهور عمرو في البوستر بشكل جديد، وكالعاده اتعرض لنقد كبير.
الادعاء بأن عمرو بيقلد انريكي في البوستر.
تسريب السي دي كوفر، ومعرفه ادق تفاصيل الالبوم.
ادعاء كل مواقع الاغاني ان الالبوم عندها و اشاعه تسريب الالبوم.
الكارثه الكبرى، تسريب الالبوم بالكامل.
معرفه ان روتانا السبب في تسريب الشريط بالعمد.
الادعاء ان عمرو مقتبس اغنيه "سواي" العالميه.
خبر غريب من روتانا بتأخير ميعاد نزرول الالبوم.
بيع نسخ مضروبه من الالبوم في كل مكان في مصر، وعليها اقبال كبير.
ماشي في الشارع والعربيات كلها مشغله عمرو دياب مع ان الالبوم لسا منزلش رسمي.
رعب! مرعوبين من اللي هيحصل في مبيعات الالبوم.
خبر تقديم نزول الالبوم لانقاذ ما يمكن انقاذه.
نزول الالبوم في تجاهل تام من روتانا، والدعايه معدومه.
كدا حرام! بجد كدا كفايه، كفايه نكد، كفايه حاجات كتير زعلتنا، كفايه ان الالبوم كله اتحرق، كفايه ان فرحه الالبوم تقريبا خلاص راحت. خلاص كل المشاكل دي حصلت، شوفته اد ايه حاجات حصلت وضايقتنا؟ طيب ممكن نفرح بأه شويه؟ ممكن نحس بأي حاجه حلوه باقيه؟ خلاص الالبوم نزل، سنه ونص مستنين الالبوم ينزل واهو نزل خلاص، ممكن نستمتع بيه وننسى كل المشاكل دي؟
رجاء من كل واحد شايف نقد في الالبوم يأجله شويه، رجاء من كل واحد مش عاجبه حاجه، يمسك نفسه شويه، قول كل اللي نفسك فيه، انقد عمرو عشان بنحبه، لكن استنى نفرح الاول وبعد كدا هنقول كل حاجه، وهنقول الوحش والحلو، وهنقول الصح والغلط ونحلل كل ثانيه في الالبوم.
احنا قدامنا سنه او اكتر لسا عقبال ما عمرو يقدم لينا ألبوم جديد، في السنه دي هنعمل كل اللي نفسنا فيه، لكن الاول نكون فرحنا وادينا الالبوم حقه في الحكم عليه.
اللي شايف الالبوم عايز نقد، اوكي انقد براحتك، ده رأيك وانت حر فيه. بس اختار الوقت المناسب، سيبنا نفرح بالالبوم اللي مستنينه بفارغ الصبر، وبعد كدا انقد وطلع فيه القطط الفاطسه. محدش هيقولك متقولش رأيك، لكن استنى علينا نحس بطعم الاصدار الرسمي للالبوم، استنى علينا نحس بحاجه طعمها حلو بعد سلسه من الاحزان على الالبوم. وانت خد وقتك في الحكم، اسمع الحاجه مره عشره يمكن تغير رأيك.
اللي عايز يتكلم على التسريب ومشاكل روتانا، يأجل الكلام ده شويه.
اللي عايز يتكلم عن سوء الدعايه بتاعه الالبوم، يأجل الكلام ده شويه.
اللي عايز يتكلم عن أي سلبيات تخص عمرو دياب او الالبوم، يأجل كلامه شويه.
ادونا هدنه اسبوعين، اسبوعين نتمتع بالالبوم، اسبوعين نعيش طعم السعاده من غير ما واحد ينكد علينا برأيه - اللي هنحترمه مهما كان هو ايه. اسبوعين
ياريت بجد كل واحد حاسس انه عايز يقول حاجه هتضيع فرحتنا، يشيلها في نفسه اسبوعين بس.
اسبوعين عايزين نقول الحلو اللي في الالبوم، اسبوعين نددي فيهم عمرو حقه، اسبوعين ينسونا كميه العكننه اللي الواحد شافها في الفتره اللي فاتت.
ده طلب من واحدبيحب عمرو دياب، ونفسه الناس اللي بتحب عمرو تفرح وتستمتع بالعمل اللي عمرو تعب فيه. طلب من كل واحد نفسه يعيش طعم الفرحه بتاعه الالبوم اللي بيعيشها كل مره.
واخيرا، مبروك علينا. استمتعوا بالالبوم وانسوا اللي فات... مؤقتا!
شكرا لكل واحد قرأ الكلام اللي كتبته
رجاء منى ليكم ياريت كل واحد يشترى الشريط بجد علشان تعب الراجل ده ويعرف ان وراه جمهور مهما حصل ليه احنا وقفين جمبه
بمعدل كل سنه او سنه ونص، عمرو دياب بينزل الالبوم، اللي تعب فيه شهور، بينزله عشان جمهوره، بيتعب فيه عشان الناس اللي مستنياه، الناس اللي متشوقه لكلمه واحده يغنيها عمرو دياب.
يعني اليوم اللي احنا فيه ده مش بيتكرر الا كل سنه ونص، يعني لحظه مش بتيجي كتير، من الآخر، ده عيد لينا، ده مصدر فرحه وسعاده لينا. انا متأكد ان اي حد بيتعب نفسه ويقرا الكلام ده، لما بيشوف عمرو دياب ناجح بيبقى سعيد عشان نجاحه. عشان احنا بنحب الراجل ده.
الالبوم السنه دي كانت ولادته صعبه!
المفروض كان ينزل في ليله راس السنه، ومحصلش وكلنا عرفنا الخبر.
اعلان ميعاد جديد للالبوم ومحصلش.
اعلان ميعاد جديد في شهر 7.
نزول السامبلز اللي صبرتنا شويه لكن كنا خايفين انها تحرق الالبوم.
تسرع بشع من الناس كلها، والحكم على الالبوم وتفشيله مع الاصرار!
ظهور عمرو في البوستر بشكل جديد، وكالعاده اتعرض لنقد كبير.
الادعاء بأن عمرو بيقلد انريكي في البوستر.
تسريب السي دي كوفر، ومعرفه ادق تفاصيل الالبوم.
ادعاء كل مواقع الاغاني ان الالبوم عندها و اشاعه تسريب الالبوم.
الكارثه الكبرى، تسريب الالبوم بالكامل.
معرفه ان روتانا السبب في تسريب الشريط بالعمد.
الادعاء ان عمرو مقتبس اغنيه "سواي" العالميه.
خبر غريب من روتانا بتأخير ميعاد نزرول الالبوم.
بيع نسخ مضروبه من الالبوم في كل مكان في مصر، وعليها اقبال كبير.
ماشي في الشارع والعربيات كلها مشغله عمرو دياب مع ان الالبوم لسا منزلش رسمي.
رعب! مرعوبين من اللي هيحصل في مبيعات الالبوم.
خبر تقديم نزول الالبوم لانقاذ ما يمكن انقاذه.
نزول الالبوم في تجاهل تام من روتانا، والدعايه معدومه.
كدا حرام! بجد كدا كفايه، كفايه نكد، كفايه حاجات كتير زعلتنا، كفايه ان الالبوم كله اتحرق، كفايه ان فرحه الالبوم تقريبا خلاص راحت. خلاص كل المشاكل دي حصلت، شوفته اد ايه حاجات حصلت وضايقتنا؟ طيب ممكن نفرح بأه شويه؟ ممكن نحس بأي حاجه حلوه باقيه؟ خلاص الالبوم نزل، سنه ونص مستنين الالبوم ينزل واهو نزل خلاص، ممكن نستمتع بيه وننسى كل المشاكل دي؟
رجاء من كل واحد شايف نقد في الالبوم يأجله شويه، رجاء من كل واحد مش عاجبه حاجه، يمسك نفسه شويه، قول كل اللي نفسك فيه، انقد عمرو عشان بنحبه، لكن استنى نفرح الاول وبعد كدا هنقول كل حاجه، وهنقول الوحش والحلو، وهنقول الصح والغلط ونحلل كل ثانيه في الالبوم.
احنا قدامنا سنه او اكتر لسا عقبال ما عمرو يقدم لينا ألبوم جديد، في السنه دي هنعمل كل اللي نفسنا فيه، لكن الاول نكون فرحنا وادينا الالبوم حقه في الحكم عليه.
اللي شايف الالبوم عايز نقد، اوكي انقد براحتك، ده رأيك وانت حر فيه. بس اختار الوقت المناسب، سيبنا نفرح بالالبوم اللي مستنينه بفارغ الصبر، وبعد كدا انقد وطلع فيه القطط الفاطسه. محدش هيقولك متقولش رأيك، لكن استنى علينا نحس بطعم الاصدار الرسمي للالبوم، استنى علينا نحس بحاجه طعمها حلو بعد سلسه من الاحزان على الالبوم. وانت خد وقتك في الحكم، اسمع الحاجه مره عشره يمكن تغير رأيك.
اللي عايز يتكلم على التسريب ومشاكل روتانا، يأجل الكلام ده شويه.
اللي عايز يتكلم عن سوء الدعايه بتاعه الالبوم، يأجل الكلام ده شويه.
اللي عايز يتكلم عن أي سلبيات تخص عمرو دياب او الالبوم، يأجل كلامه شويه.
ادونا هدنه اسبوعين، اسبوعين نتمتع بالالبوم، اسبوعين نعيش طعم السعاده من غير ما واحد ينكد علينا برأيه - اللي هنحترمه مهما كان هو ايه. اسبوعين
ياريت بجد كل واحد حاسس انه عايز يقول حاجه هتضيع فرحتنا، يشيلها في نفسه اسبوعين بس.
اسبوعين عايزين نقول الحلو اللي في الالبوم، اسبوعين نددي فيهم عمرو حقه، اسبوعين ينسونا كميه العكننه اللي الواحد شافها في الفتره اللي فاتت.
ده طلب من واحدبيحب عمرو دياب، ونفسه الناس اللي بتحب عمرو تفرح وتستمتع بالعمل اللي عمرو تعب فيه. طلب من كل واحد نفسه يعيش طعم الفرحه بتاعه الالبوم اللي بيعيشها كل مره.
واخيرا، مبروك علينا. استمتعوا بالالبوم وانسوا اللي فات... مؤقتا!
شكرا لكل واحد قرأ الكلام اللي كتبته
رجاء منى ليكم ياريت كل واحد يشترى الشريط بجد علشان تعب الراجل ده ويعرف ان وراه جمهور مهما حصل ليه احنا وقفين جمبه
عدل سابقا من قبل في الأحد أغسطس 05, 2007 11:11 am عدل 2 مرات
