واحده من عشاق عمرو قلت لازم اجيب موضوعها

يا جماعه انا واحده من مجانين عمرو دياب بجد معرفش بحب الراجل ده لدرجه الجنون حلم حياتى انى اقابله او اشوفه انا من سنتين بس مكنتش بسمع عمرو تصوروا والله العظيم مكنتش بسمعه بس كان ليا اخت بتحب عمرو جدا جدا وانا كنت عادى بسمع اغانى ومش بقول بحب ده ولا ده بس للاسف مكنتش بسمع عمرو عشان كله بيسمعه وكنت حابه قال ايه اكون مختلفه وكمان كنت بسمع كلام اللى بيقولوا ان مغرور وكده بس كنت بستغرب على الحب اللى الناس بتحبه للراجل ده وكمان كل صحباتى كانوا مهاويس بيه مش مجانين بس ونزل البوم ليلى نهارى لقيت مصر كلها بتسمعه قلت اجرب لان اغنيه تنسى واحده عجبتنى جدا ومعرفش قعدت شهرين مش بسمع بجد الا الالبوم ده لدرجه ان والدتى كانت بتستغرب عليا لانها عارفه انى مش بحب عمرو وبدات اسمع الالبوم اللى قبله واللى قبله اقسملكم ما لقيت اغنيه واحده فى حوالى 20 شريط زى التانيه نهائى نزل كمل كلامك جريت اول واحد اشتريته ولما سمعت المبيعات بتاعته قلت الراجل ده مش عادى نهائى ازاى البوم يحقق فى اسبوع واحد مبيعات توصل لمليون نسخه شريط و100 الف نسخه سى دى وتيجى ناس تقول ان عمرو حلاص راحت عليه هيا الناس دى مش بتقرى جرايد مش بتشوف حفلاته انا بجد بدات اقتنع ان عمرو فعلا مش فيه زيه من اخر حفله ليه فى الولايات المتحده يا جماعه بجد مصدقتش اللى شوفته وبعدين لقيت حاجه عجيبه يا جماعه ان اى مطرب فى الوطن العربى جمهوره دايما بيقول ان مطربه احسن من عمرو ملقتش مقارنه مثلا بين فؤاد وتامر او فؤاد وحماقى وكذلك هانى شاكر اللى مجرد نزول السمبلز بتاعت عمرو سقطت شريطه يا جماعه بجد انا نفسى اى حد مش بيحب عمرو يشوف احساسه فى الاغانى يشوف بس هوه بيتعب قد ايه عشان جمهوره انا بسمع ان مطربين بتعمل شريط فى 3 شهور وفى الاخر نيجى نقارن عمرو بالناس دى ازاى ده والله حرام ولا عشان عمرو مش بيطلع يتكلم ويرد يعنى خلاص بقت سايبه فيه جمهرو لعمرو وهيرد اكيد وانا اولهم بجد ده كفايه ان عمرو اللى مشرفنا بره يبقى ده جزائه وبعدين بقا اللى بيقول عمرو مغرور انت اتعاملت معاه مباشره واساسا عمرو مش بيطلع فى برامج من سبع سنين منين جبت انه مغرور ولا هيا حرب وخلاص وبرده عمرو ربنا بينصره يعنى البومه قبل ما يصدر رسمى باع 200 الف نسخه وبعد ما نزل سمعت ان مبيعاته وصلت تانى يوم 450الف نسخه وفيه مطربين بتبيع 10 الاف نسخه وتتقارن بعمرو مش ده يبقى حرام لكن هقول ايه هوه ده فعلا عمرو دياب وبجد انا مش بقيت بعشقه بس انا بقت حياتى كلها عمرو دياب واسفه للاطاله معلش انا رغايه لما بتكلم عن عمرو شويه .

انا بجد يا جماعه لما قريت الموضوع حبيت عمرو جدا جدا وقلت لازم اجيبه هنا عشان نقراه

انا كمان واحد من عشاقه وميرسى اوى لمتبعتك لمواضيعى