هل طيبه القلب= ضعف الشخصصيه

هالة انا راح انقاش الموضوع من غير الاسألة

عشان انا بعتبرها ما لها داعى انا مش بققل من اس

ألتك المهمة دة بالعكس دة بتوضح حاجات كتير بس انا هاتناقش فى سؤال واحد

- ما رأيك بطيب القلب وبماذا تصفه بالضعف والتخلف .. أم

السؤال دة بيفكرنى بنظرية فرويد

بتقول النظير ان الشخص الطيب بيكون جوة شخص ضعيف جبان المفروض يموت

دة نظرية واحد من اغبا خلق الله هو عالم نفسي

عشان اصلاً طيب القلب دة انسان جميل من الصعب ان يخترق كيانه وذاتة

وخطأ من الاخريين ان يتعاملون من الانسان الطيب على انه جسد يمكن اقتاحمة بالتشريح والتجريح

كلمة اخيرة

بدون الدن والطيبة وبدون القيم لا معنى لشئ وبدون الايمان لا امل

اولا بشكرك على موضوعك
ثانيا

دى اول مشاركه ليا فى المنتدى الجميل

واتمنى انكوا تقبولنى معكوا واكون صديق خفيف عليكم
وميرسى ليكى ياهاله ده بعد اذنك طبعا انى اقولك ياهاله من غيرالقاب

وانا هاقول على رايى الشخص

هل طيبة القلب = ضعف الشخصية ؟؟؟
قطعا طيبة القلب لاتساوى ضعف الشخصية خالص
فى فرق كبير بين الكلمتين ؛ ضعيف الشخصية دا انسان مالوش رأى ؛
ولا يقدر ياخد قرار ولو حتى ف موضوع يخصه ؛
لكن لو هنتكلم عن الطيبة ووصف المجتمع للانسان الطيب بكلمة ضعيف ؛
دى حاجة تانية بقى .....؛ الاول نقول يعنى اية امسان طيب ويعنى اية انسان ضعيف ؛
تعريف كل واحد مننا للمعنيين دول هيوضح رأية فى الموضوع ..؛
بالنسبة ليا انا شايف ان :
الضعيف : انسان مغلوب على امره فى كل الاحوال او نقول معظمها ؛ ما بيقدرش ياخد
حقة لو لية حق عند حد ؛ بيرضى بظلم غيرة ومايحاولش يدافع عن نفسة ؛ بيبعد عن اى
حاجة ممكن تسبب لة احتكاك مع طرف اخر لانة من جواه حاسس بالضعف وعدم القدرة
على المواجهة ؛ الضعيف دا بيكون انسان عديم القيمة ؛ سلبى ؛ ( امــعه ) بمعنى اذا احسن الناس
احسن وان اساؤا اساء ؛ دايما ماشى مع التيار حتى لو فى الاتجاه الغلط ...؛

الطيب : دا انسان عندة صفة نادرة فى الوقت الحاضر ؛ ماينفعش نقول علية ضعيف ؛ ولو
قلنا كدا يبقى احنا وصفناة وصف خاطىء ؛ بالعكس دا انسان فى منتهى القوة ؛ يقدر ياخد حقة ؛
ويقدر ينتصر على اللى ظلمه ؛ لكنة بيفضل التسامح والعفو ؛
باختصار الانسان الطيب فى رأيى : انسان يعفو عند المقدرة
يعنى يقدر ينتقم ويقدر يرد الغلط بغلط لكنة يعفو ويصفح عمن اساء الية ؛

وطبعا كل نعرف ان ربنا قال :
فمن عفا واصلح فأجره على الله .؛

يعنى لو انا مثلا واحد شتمنى او اخد منى حاجة ؛؛ فأنا عندى القدرة انى ارد علية واشتمة ؛
وعندى قدرة على انى استرد الحاجة اللى اخدها بالقوة ؛ ومع ذلك ما شتمتش ولا استعملت قوة ؛
هل دا معناة انى ضعيف .؟؟ طبعا لاء لانى اقدر آخد حقى بالقوة لكنى فضلت عدم استعمال القوة .؛

طب لية الناس توصفنى فى موقف زى كدا بانى ضعيف .؟
ببساطة شديدة لان الناس اللى بتقول عليا كدا فى الموقف دا مش هيا اللى بتقول كدا..؛
الشيطان بداخلهم هوة اللى بيزين ليهم الكلام دا وبيخليهم يفكروا بالشكل والاسلوب دا ؛
معنى كدا اية .؟
ان الانسان الطيب دا قدر يتغلب على الشيطان بداخلة ومنع نفسة من الرد على السيئة بمثلها؛
واتبع امر ربنا وامر رسولة المصطفى ( ص ) وقابل السيئة بالحسنة ؛ وطبعا القصص كثيرة
عن التسامح ويمكن من اشهرها قصة ثمامة بن اثال : دا واحد راح المدينة بهدف قتل النبى محمد
وعلى الرغم من كدا الكل يعرف النبى عاملة ازاى واكرمة كأنة ضيف عندة وعرض علية الاسلام بالحسنى ؛ وبعد ما رفض يدخل فى الاسلام امر النبى باطلاق سراحة ؛ كان ممكن يأمر بقتلة ومحدش هيقول انة اخطأ فى حقة لانة اصلا جاى وناوى يقتل النبى علية الصلاة والسلام وكان الرسول لدية القدرة على ذلك لكنة عفا عنة واطلق سراحة ؛؛؛؛؛ هل دا ضعف .؟؟؟؟؟ اكيد لاء

من كل الكلام دا
يبقى نوصل لان الانسان الطيب
انسان تغلب على الشيطان بداخلة ورد على الاساءة بالمعروف مع قدرتة على ان يرد السيئة بمثلها
ودى زى ما قلت منتهى القوة ...؛

مش مهم الناس تقول انة ضعيف ؛ لانك بكل بساطة ماتقدرش ترضى كل الناس عنك ( مستحيل ) ؛
يبقى سيبك من الناس وارضى رب الناس وبس

اذا اردت ان ترضى كل الناس فالزم ثلاثة امور :
* لاتقـــل شيئا
* لا تفعــل شيئا
* لاتكـــن شيئـــا

دا كان رأيى فى الموضوع
وبعتذر جدا لانى طولت فى الكلام
خالص تقديرى للجميع